25 мар 16:00
Янгиликлар

Теннис

Свёнтек Miami Open 1/8 финалида Свитолинани таслим этди

АҚШнинг Майами шаҳрида ўтказилаётган теннис бўйича WTA 1000 тоифасига кирувчи нуфузли турнир ўзининг қизғин палласига кириб боряпти.

Дунёнинг иккинчи ракеткаси Ига Свёнтек 1/8 финалда WTA рейтингида 22-поғонада бораётган украиналик Элина Свитолинани 7/6(5), 6/3 ҳисобида мағлубиятга учратди. Теннисчиларнинг ўзаро учрашувларида Ига олдинда бормоқда - 3:1.

Икки соату олти дақиқа давом этган баҳсда Свёнтек 1, Свитолина 3 та эйс зарбасини амалга оширган. Қўшхатолар Элинада кўпроқ бўлди 5 га 3. Брейклар бўйича устунлик эса 6 га 5 кўринишида, польшалик теннисчи фойдасига бўлди. Энди Свёнтек Miami Open 1/4 финалида мусобақа кашфиётига айланиб улгурган филиппинлик Александра Эалага қарши кортга чиқади.