12 апр 19:58
Янгиликлар
Таэквондо
Таэквондо. Тошкентдаги Жаҳон чемпионатида илк медални қўлга киритдик
Тошкент шаҳрида таэквондо бўйича ёшлар ўртасида Жаҳон чемпионати старт олди.
Бугун мусобақанинг дастлабки кун беллашувлари ташкил этилди.
Қувонарлиси, илк кунги беллашувлардаёқ Ўзбекистон терма жамоаси медалга эга чиқди. Жамоамизнинг +78 кг вазн тоифасидаги вакили Алишер Пак ўзининг ишончли чиқиши орқали мусобақанинг финал босқичига қадар етиб келди.
Ҳал қилувчи жангда Алишерга Корея Республикаси вакили Еом Симок рақиблик қилди. Шиддатли баҳсда таэквондо ватани шарафини ҳимоя қилувчи Еом Симокнинг қўли баланд келди.
Шундай бўлса-да, ёш спортчимиз Алишер Пак Тошкент мезбонлигидаги дунё биринчилигида терма жамоамизнинг илк медалига муаллифлик қилди. Дастлабки кун якунига кўра, ҳисобимизда кумуш медали мавжуд.
Ҳавола :
Манба : olamsport.com
Фикрлар