03 сен 16:48
Янгиликлар
Таэквондо
Таэквондо WT. Светлана Осипова Париж Гран-Присининг чорак финалига йўл олди!
+67 кг вазн тоифасида Ўзбекистон таэквондо WT миллий терма жамоаси аъзоси Светлана Осипова Франция пойтахти Парижда давом этаётган Гран-При мусобақасининг чорак финалига йўл олди.
Ҳамюртимиз мусобақадаги иштирокини 1/16 финал босқичида нейтрал спортчи Евгения Степановага қарши бошлади. Ушбу баҳсда осонлик билан 2:0 ҳисобида ғалаба қозонган Светлана нимчорак финал босқичида Пуерто-Рико вакили Кристал Уиксни ҳам 2:0 ҳисобида доғда қолдирди.
Эндиликда Осипова бироздан сўнг туркиялик Судеярен Узункавдарга қарши ярим финал йўлланмаси учун даянга кўтарилади.
Шунингдек, бугунги кун доирасида яна бир спортчимиз Никита Рафалович даянга чиқиб, 1/16 финал босқичида мағлубиятга учради.
Ҳавола :
Манба : t.me/uzbtaekwondowt
Фикрлар