"Тарихдаги энг ёмон PPVлардан бири". UFC 321 турнири танқид қилинди

"Тарихдаги энг ёмон PPVлардан бири. Ва ҳафсалани пир қилганлардан бири. Прелим кард ёмон эмасди: оғир вазнли Вальтер Уокер яна бир бор оёғини қайириб олди, австралиялик Куиллан Салкилд Насрат Ҳақпарастни нокаут қилди. Ҳатто PPV бошида ҳам мағлубиятсиз Азамат Мурзаканов Ракични нокаут қилди.

Ҳаммаси зўр бошланганди. Лекин Алмейда Волковни фақат ушлаб турди, худди грэпплинг жангидек. Волков ғалаба қозонди, лекин жанг зерикарли бўлди. Умар ва Баутиста 15 дақиқада фақат 20 сония қизиқарли эпизод кўрсатди — яна бир зерикарли жанг, Умар ҳакамлар қарори билан ғалаба қозонди.

Co-main event жанг — Маккензи Дерн ва Вирна Жандироба — ёмон бўлмади, лекин ҳамма асосий жангни кутган эди. Ҳамма уни қизиқарли бўлади деб ўйлаган, лекин раунд тугашига 15 сония қолганда Том кўзига қўлни тиқиб олишди ва у кўрмай қолди", — деди Пимблетт.