"Tashkent Open" турнирининг сўнгги соврини бельгиялик теннисчига насиб қилди

Бугун турнирнинг ҳал қилувчи ўйинида руминиялик Сорана Кирсти ҳамда бельгиялик Алисон ван Уйтванк тўқнаш келди. 2 соат 25 дақиқа давом этган ўйинда ван Уйтванк 6:2, 4:6, 6:4 ҳисобларида ғалаба қозонди ва мусобақа ғолибасига айланди. 

Маълумот учун, бельгиялик теннисчи айни пайтда жаҳон рейтингида 61-ўринни эгаллаб турибди. Сорана Кирсти эса 96-ўриндан жой олган.

Ушбу ғалаба орқали теннисчи 43 000 АҚШ доллари ва 280 рейтинг очкосини ишлаб олди. 

Қайд этиш лозимки, бундай савиядаги ушбу йирик турнир Тошкентда сўнгги маротаба ўтказилди. Аввалроқ, молиявий муаммолар сабаб Тошкент очиқ чемпионати сўнгги маротаба ўтказилиши маълум қилинганди.