Tata Steel Chess India. Бироздан сўнг блиц мусобақаси бошланади

Ўз тарихида олтинчи бор ўтказилаётган нуфузли мусобақанинг мукофот жамғармаси 41 500 АҚШ долларини ташкил этади. Кеча турнирда 9 турдан иборат рапид баҳслари якунланганди. Унда мусобақани мағлубиятсиз (6 ғалаба, 3 дуранг) ўтказган жаҳон рейтинги пешқадами Магнус Карлсен 7,5 очко билан рапид баҳслари ғолибига айланганди. Сўнгги 9-турда айнан Карлсен билан дуранг ўйнаган Нодирбек Абдусатторов 5 очко билан 4-ўринни банд этганди. 

Бизнинг вақт билан соат 13:30да Tata Steel Chess India турнирининг блиц баҳслари старт олади. Бугуннинг ўзида гроссмейстерлар 9 та турда ҳисоб-китоб қилишади. Нодирбек 1-турда оқ доналарда FIDE байроғи остида ўйнаётган россиялик Даниил Дубовга қарши баҳс олиб боради. Улар ўртасидаги рапид учрашувида дуранг натижа қайд этилганди. Нодирбек Абдусатторов ва Магнус Карлсен ўртасидаги блиц партияси 4-турга тўғри келади ва тахминан соат 14:30да бошланади.

Нодирбек Абдусатторов иштирокидаги партиялар:

13:30 1-тур: Нодирбек Абдусатторов - Даниил Дубов (FIDE)

13:50 2-тур: Аржун Эригаиси (Ҳиндистон) - Нодирбек Абдусатторов

14:10 3-тур: Нодирбек Абдусатторов - Видит Гужратҳи (Ҳиндистон) 

14:30 4-тур: Магнус Карлсен (Норвегия) - Нодирбек Абдусатторов 

14:50 5-тур: Нодирбек Абдусатторов - Рамешбабу Праггнанандҳаа (Ҳиндистон) 

15:10 6-тур: Уэсли Со (АҚШ) - Нодирбек Абдусатторов

15:30 7-тур: Нодирбек Абдусатторов - Сунилдут Лина Нараянан (Ҳиндистон) 

15:50 8-тур: Нодирбек Абдусатторов - Винсент Кеймер (Германия)

16:10 9-тур: Ниҳал Сарин (Ҳиндистон) - Нодирбек Абдусатторов