20 авг 19:36
Янгиликлар

Теннис

Татьяна Мария Колумбияни забт этди

Колумбиянинг Барранкилья шаҳрида теннис бўйича WTA 125 тоифасига кирувчи турнир якунланди.

Бош соврин дунёнинг 58-ракеткаси бўлиб турган Татьяна Марияга насиб этди. Германиялик теннисчи финал баҳсида WTA рейтингида 252-поғонада бораётган франциялик Фиона Феррони 6/1, 6/2 ҳисобида таслим этди.

Теннисчиларнинг ўзаро учрашувларидаги мувозанат тикланди - 1:1. Олтмиш тўққиз дақиқа давом этган баҳсда Мария 4 та эйс, 6 та брейк қайд этиб, 1 та қўшхатога йўл қўйди. Колумбиядаги муваффақиятли иштирок Таньяга 160 рейтинг очкоси ҳамда 15,000 АҚШ доллари миқдоридаги мукофот пули келтирди.