01 май 08:50
Янгиликлар

Шахмат

Тахминан 8,5 млн доллар бюджетга эга Синдаров - Гукеш матчи қаерда ўтказилади?

FIDE 2026 йилги жаҳон чемпионати баҳсини ўтказиш учун мезбонлик аризаларини қабул қилишни бошлади.

Ушбу матчда амалдаги чемпион ҳиндистонлик Гукеш Доммараджу "Номзодлар турнири" ғолиби Жавоҳир Синдаров ўзаро куч синашади. Чемпионлик тожи учун матчнинг 2026 йил 23 ноябрдан 17 декабргача ўтказилиши режалаштирилмоқда.

Мазкур мусобақа 25 кунгача давом этади ва унинг регламенти 1 июлгача тасдиқланиши лозим. Турнирнинг умумий бюджети тахминан 8,5 миллион долларни ташкил этади. Шундан камида 2,5 миллион доллар соврин жамғармасига ажратилиши керак. FIDE бадали эса 1,1 миллион доллар этиб белгиланган.

Мезбонлик учун аризалар 31 майгача қабул қилинади. Зарурат туғилганда FIDE ушбу муддатни узайтириши мумкин.