08 июл 10:18
Янгиликлар

Бокс/ММА

Тай Туиваса навбатдаги жангини Александр Волковга қарши ўтказади

9 сентябрь куни Австралиянинг Сидней шаҳрида UFC 293 мусобақаси бўлиб ўтади.

Мазкур мусобақадан ўрин олган яна бир жанг эълон қилинди.

Оғир вазн тоифасида австралиялик аралаш яккакураш устаси Тай Туиваса (15-5) асосий кард доирасида россиялик Александр Волков (36-10) билан жанг қиладиган бўлди. Жанг 3 раунд этиб белгиланган.

Аввалроқ, мусобақа доирасида Янги Зеландия вакили Кай Кара-Франс ҳамда португалиялик Манель Капе ўзаро жанг қилиши ҳақида хабар берган эдик.

Эслатиб ўтамиз, Туиваса сўнгги жангини ўтган йилнинг декабрь ойида Сергей Павловичга қарши ўтказиб, муддатидан олдин мағлуб бўлган эди. Волков эса охирги жангини жорий йилнинг март ойида Александр Романовга қарши ўтказган эди. Волков мазкур жангда муддатидан олдин ғалаба қозонган эди.