Тайсон Фьюри "Манчестер Юнайтед" cабаб футболни кузатмай қўйди

Британиялик боксчининг сўзларига кўра, у "Манчестер Юнайтед"ни ёмон натижалари сабаб қўллаб-қувватламай қўйган ва бунинг ўрнига от пойгасини томоша қилишга ўтган.

"Тўғри, мен футболнинг катта ишқибози эмасман. Лекин шу пайтгача узоқ вақт "Манчестер Юнайтед"га мухлислик қилардим. Аммо ҳозир ундай эмас. "Қизил иблислар"нинг "ахлат" ўйини сабаб ҳеч қайси футбол жамоасига мухлислик қилмаяпман. Авваллари Англияга ҳам мухлислик қилганман, аммо Евро-2016да Исландияга ютқазгач, футболни бутунлай тарк этдим. Энди от пойгасига қизиқаман," - деди Фьюри.

Маълумот учун, "Манчестер Юнайтед" клуби 2024/2025 йилги мавсумни АПЛда 15-ўринда якунлади. Бу йилги чемпионатда жамоа аввалига "Арсенал"га ютқазди (0:1), кейин эса "Фулхэм" билан дуранг (1:1) ўйнади. Англия терма жамоаси эса Евро-2016 турнирининг 1/8 финалида Исландияга имкониятни бой (1:2) бериб, турнирни тарк этганди.