02 окт 11:13
Янгиликлар

Бокс/ММА

Темиров: "Биз "подарка" эмасмиз!"

Ўзбекистонлик ММА жангчиси Азизбек Темиров Octagon 64 турнири доирасидаги бўлажак жанги олдидан фикрлари билан ўртоқлашди.

У 6 октябрь куни Қозоғистоннинг Олма-Ота шаҳрида ташкил этиладиган ММА бўйича Octagon 64 турнирида тожикистонлик Шерзод Ибодиллоев билан тўқнаш келади.

"Мен Олма-Отада ташкил этилаётган юқори даражадаги турнирда иштирок этишдан жуда хурсандман. Рақибим жиддий, аммо биз ҳам "подарка" эмасмиз. Бу жангда мен билан ўзбекча "дух" бўлади. Мен Шерзодни чиройли нокаутга учратиш ниятидаман. У менинг курашимни синовдан ўтказмоқчи, мен бунга имкон бераман", деди Азизбек.

Маълумот учун, UFC жангчиси Рамазон Темировнинг укаси бўлган Азизбек проф фаолияти давомида ҳозирга қадар 4 та жанг ўтказиб, уларнинг барчасида ғалаба қозонган. Шерзод Ибодиллоев ҳисобида эса 7 ғалаба ва 3 мағлубият бор.