TePe Sigeman 2026 турнири бошланяпти. Унда Абдусатторов ва Магнус Карлсен ҳам иштирок этади

Мусобақада саккиз нафар гроссмейстер бош соврин учун баҳс олиб боради. Улар орасида Нодирбек Абдусатторов ҳамда жаҳон рейтинги етакчиси норвегиялик Магнус Карлсен ҳам бор. Кеча мусобақага қуръа ташлаш маросими бўлиб ўтди. Бизнинг вақт билан соат 18:00да бошланадиган 1-тур учрашувида Абдусатторов қора доналарда турнирнинг ягона аёл иштирокчиси, хитойлик гроссмейстер Чжу Цзинерга қарши баҳс олиб боради. 

Эътиборга молик жиҳати шундаки, TePe Sigeman турнирининг сўнгги икки ғолиби ўзбекистонлик шахматчилар ҳисобланади. 2024 йил Нодирбек Абдусатторов, ўтган йили эса Жавоҳир Синдаров чемпионлик шоҳсупасига кўтарилган эди. 

Қуръа натижасига кўра, Нодирбек Абдусатторов ва Магнус Карлсен ўртасидаги баҳс 3 май куни 3-турга тўғри келмоқда.

TePe Sigeman 2026. 1-тур жуфтликлари: 

Йорден ван Форест (Нидерландия) — Ягиз Каан Эрдоғмуш (Туркия)

Чжу Цзинер (Хитой) — Нодирбек Абдусатторов (Ўзбекистон)

Энди Вудвард (АҚШ) — Нилс Гранделиус (Швеция)

Магнус Карлсен (Норвегия) — Аржун Эргаиси (Ҳиндистон)