Теренс Кроуфорд Нганнунинг профессионал боксчига қарши жангдаги имкониятлари ҳақида гапирди

"Нганну панчер, у ММАда нимадир қила олади, лекин дунёдаги энг яхши оғир вазн тоифасидаги боксчиларга қарши рингга кўтарилиш учун бу камлик қилади. Боксчиларга қарши жангларда унда ҳеч қандай имконият кўрмаяпман. Нганну маҳоратли жангчи ва мен унга дастлаб тажрибасиз боксчи билан жанг қилишини маслаҳат бераман. Аввало ҳаммасини ҳис қилиш ва рингга кўникиш керак. Бокс ва ММА умуман бошқа-бошқа нарса. Деонтей Уайлдер уни нокаутга учратиш учун етарли зарба кучига эга. Ҳатто Тайсон Фьюри бу зарбага зўрға дош берган. Мен буни қила оладиган бошқа ҳеч кимни билмайман. Уайлдер дунёдаги энг зўр панчерлардан бири, Нганну буни ёдда тутиши керак", - деди Кроуфорд.