Тереза Йохауг Пекин-2022 Олимпиадасида иккинчи олтинга эга чиқди

Тереза Йохауг чанғи пойгасининг 10 кмга классик йўналишда ўтказилган баҳсда ғалаба қозонди ва Пекин Олимпиадасида иккинчи бор чемпионга айланмоқда. 33 ёшли спортчи бир неча кун аввал скиатлон бўйича бўлиб ўтган беллашувда ҳам чемпион бўлган эди. Иккинчи ўринни финландиялик Кертту Нисканен банд этган бўлса, учинчи ўрин яна бир финландиялик чанғичи Криста Пярмякоскига нсаиб этди.

14 карра жаҳон чемпиони Тереза Йохауг бундан 12 йил аввал ҳам Олимпиада чемпиони бўлган. У Ванкувер-2010 Олимпиадасида эстафета баҳсларида олтин медални қўлга киритганди. Энди у уч карра Олимпиада чемпиони ҳисобланади. Сочи-2014 Олимпиадасида эса чанғичи битта  кумуш ва битта бронза медалига эга чиққан. Яна бир қизиқ жиҳат Йохауг енгил атлетикада ҳам ўз омадини синаб кўрган ва 2019 йил 10000 масофага югуриш бўйича Норвегия чемпиони бўлган. 

1. Тереза Йохауг (Норвегия) — 28:06,3

2. Кертту Нисканен (Финляндия) + 0,4 

3. Криста Пярмякоски (Финляндия) + 31,5 

4. Наталья Непряева (Россия) + 31,6