Thailand Open. Свитолина ғалаба билан бошлади

Сайёрамизнинг тўртинчи рақамли теннис маликаси Элина Свитолина мусобақадаги иштирокини ғалаба билан бошлади. Украиналик теннисчи биринчи давра учрашувида рейтингнинг 195-поғонасидан жой олиб турган голландиялик Бибиана Схоофсга қарши кортга чиқди. 

Элина 1 соату 19 дақиқа давом этган баҳсда рақибасидан 6/2, 6/4 ҳисобида устун келди. Бу теннисчиларнинг ўзаро ўтказган илк учрашуви эди. Энди 25 ёшли Свитолина Thailand Open турнирининг иккинчи босқичида австралиялик Сторм Сандерсга қарши баҳс олиб боради.