28 июл 12:56
Янгиликлар

Бокс/ММА

Ти Жей Диллашоу жарроҳлик столига ётади + ФОТО

Енгил вазнда собиқ UFC чемпиони Ти Жей Диллашоу тиззасидаги жароҳатларидан тўлиқ фориғ бўлиш учун жарроҳлик столига ётишга қарор қилди.

"Бугун рентген жавобларини олдим. Шу нарса ойдинлашдики, менда мениск ҳамда тизза боғламалари узилиб кетган. Лекин яхши хабар шуки, жароҳатдан фориғ бўлиш узоқ муддат олмайди. Аммо, ҳар қандай ҳолатда ҳам жарроҳлиқ столига ётишим шарт. Операция 2-3 кундан кейин ўтказилади. Қафас ичида ғалаба учун боримни бердим. Мени қўллаб-қувватлаганлар учун раҳмат. Шу йилнинг ўзида камарни қўлга киритишим керак", - дея ўзининг "Инстаграм" саҳифасида хабар қолдирган америкалик UFC жангчиси.

Эслатиб ўтамиз, Диллашоу якшанба тонгида АҚШнинг Лас-Вегас шаҳрида ўтказилган UFC on ESPN 27 тунирида икки йиллик танаффусдан сўнг октагонга қайтган ҳамда рейтингнинг 2-поғонасидан жой олган Кори Сэндхагенни мағлубиятга учратган эди.