Тим Цзю: "Мен барча камарлар учун қайтаман!"

Австралиялик боксчи Лас-Вегасда ўтган бокс оқшомида америкалик Себастьян Фундорага ҳакамларнинг айри қарори билан, очколар ҳисобига кўра (112-116, 115-113, 116-112) имкониятни бой бериб қўйганди.

"Себастьянни табриклайман. У ҳақли равишда ғалабага эришди. Мен ҳеч қачон чақирувлардан қочмаганман. Бу билан янги авлод боксчиларини кучли рақиблар билан жанг қилиш бўйича руҳлантириб келганман. Мен албатта қайтаман. Ҳа, нафақат ўзимнинг, балки дивизиондаги барча камарлар учун қайтаман. Вазифа ва мақсад ўзгармайди, — деди Цзю ўзининг ижтимоий тармоқдаги саҳифасида. 

Эслатиб ўтамиз, 29 ёшли Тим Цзю кеча профессионал боксдаги илк мағлубиятини қабул қилиб олди. У проф рингда 2016 йилда дебют қилган бўлса, 2023 йил WBO камарини қўлга киритди. Илк ҳимоядаёқ уни ютқазиб қўйди.