04 июн 10:52
Янгиликлар

Теннис

Тим Монфисни чорак финалга чиқишига йўл қўймади

Париж шаҳри мезбонлик қилаётган “Ролан Гаррос” турнири ўзининг ҳал қилувчи палласига кирди.

Эркаклар ўртасидаги баҳсларда тўртинчи давра учрашувлари ўтказилмоқда. Турнирда тўртинчи рақам остида таснифланган Доминик Тим нимчорак финал баҳсида рейтингнинг 14-поғонасидан жой олган франциялик Гаэль Монфисга қарши кортга чиқди.

Австриялик теннисчи 1 соату 48 дақиқа давом этган учрашувда рақибини 6:4, 6:4, 6:2 ҳисобида таслим этди. Ўзаро учрашувларда Тим 7:1 ҳисобида олдинга чиқиб олди. Энди Доминик чорак финалда россиялик Карен Хачановга қарши баҳс олиб боради.