18 апр 11:35
Янгиликлар

Теннис

Тим Монте-Карлодаги юришини давом эттирмоқда

Монако Князлигининг Монте-Карло шаҳрида теннис бўйича "Мастерс" сериясига кирувчи нуфузли турнир давом этмоқда.

Сайёрамизнинг бешинчи ракеткаси бўлиб турган Доминик Тим иккинчи давра учрашувида ҳам ғалабага эришди. Австриялик теннисчи рейтингнинг роппа-роса 50-поғонасидан жой олган словакиялик Мартин Клижанни 6/1, 6/2 ҳисобида мағлуб этди.

Икки теннисчи ўртасидаги ўзаро учрашувлар ҳисоб тенглашди - 3:3. Энди Тим Rolex Monte-Carlo Masters турнирининг учинчи босқичида бельгиялик Давид Гоффин ҳамда сербиялик Душан Лайович учрашуви ғолибига қарши кортга чиқади.