Тонг саҳарда ўтказилган UFC Fight Night 230 турнирининг барча натижалари битта хабарда

UFC Fight Night 230 турнирининг марказий жангида лига фахрийси, ярим енгил вазн тоифаси рейтингида ўн учинчи ўринни эгаллаб турган Эдсон Барбоза рейтингда ўзидан икки поғона юқорида бораётган Содиқ Юсуффга қарши октагонга кўтарилди. Жанг тўлиқ беш раунд давом этди ва унда тажрибали Барбоза очколар (49-46, 48-46, 48-46) ҳисобига кўра ғалаба қозонди. Бу Эдсоннинг кетма-кет қозонган иккинчи ғалабаси бўлди. 

Оқшомнинг co main event жанги аёллар ўртасида ўтказилиб, унда бразилиялик Вивиан Арауджо кетма-кет икки мағлубиятдан сўнг ниҳоят зафар қучди. Вивиан ватандоши Женнифер Майяга қарши кечган жангда очколар эвазига ғалабага эришди. 

Турнирнинг қолган натижаларига тўхталадиган бўлсак, бразилиялик ўрта вазн тоифаси вакили Мишель Перейра дунёнинг кучли лигаси дебют жангидаёқ америкалик Андре Петроскини биринчи раунднинг 66-сониясидаёқ техник нокаутга учратди. Петроски бунгача бешта ғалабали серия билан келаётганди. 

Россиялик "Ронда" Ирина Алексеева уч раунд тўлиқ давом этган жангда 27-30, 28-29, 28-29 ҳисобларида англиялик Мелиссе Диксонга имкониятни бой бериб қўйди. Жонатан Мартинез, Даррен Элкинс ва Терренс МакКинни бу оқшом рақибларини муддатидан аввал мағлубиятга учратишди.

Турнирда қайд этилган натижалар билан танишинг: 

Эдсон Барбоза Содик Юсуффни очколар эвазига мағлуб этди (49-46, 48-46, 48-46).

Вивиан Араужо Женнифер Майюни очколар эвазига мағлуб этди (29-28, 29-28, 29-28).

Жонатан Мартинес Адриан Янезни техник нокаутга учратди (раунд 2, 2:26).

Мишель Перейра Андре Петроскини техник нокаутга учратди (раунд 1, 1:06).

Кристиан Родригес Кэмерон Саайманни очколар эвазига мағлуб этди (30-27, 30-27, 29-28).

Даррен Элкинс Ти-Жей Браунни оғритувчи усулда мағлуб этди (rear-naked choke) – (раунд 3, 2:23).

Тайнара Лисбоа Равена Оливейрани очколар эвазига мағлуб этди (29-28, 29-28, 29-28).

Терренс Маккинни Брендон Мароттани техник нокаутга учратди (раунд 1, 0:20).

Мелисса Диксон Ирина Алексеевани очколар эвазига мағлуб этди (30-27, 29-28, 29-28).

Крис Гутьеррес Хэйли Алатэнани очколар эвазига мағлуб этди (30-27, 30-27, 30-27).

Эмили Дюкот Эшли Йодерни очколар эвазига мағлуб этди (30-27, 29-28, 29-28).