21 дек 12:05
Янгиликлар
Бокс/ММА
Тони Фергюсон бокс жангида рингга чиқди
Енгил вазнда собиқ вақтинчалик UFC чемпиони, ўтган йили саккизта мағлубиятдан сўнг жаҳоннинг энг кучли лигасидан истеъфога чиқарилган Тони Фергюсон профессионал боксдаги навбатдаги жангини ўтказди.
Misfits Boxing 22 турнирида 41 ёшли Фергюсон британиялик блогер Уоррен Спенсер устидан ишончли ғалабага эришди. Тони бутун жанг давомида устунликка эга бўлди. Иккинчи раундда у рақибини нокдаун ҳолатига туширди. Сўнгги бешинчи раундда яна бир бор кучли зарба билан Спенсерни мувозанатдан чиқарди, лекин муваффақиятини ривожлантиришига вақт етмай қолди.
Тўлиқ беш раунд давом этган жанг якунида Тони Фергюсон ҳакамларнинг якдил қарори билан (49-45, 49-45, 48-46) ғалаба қозонди.
Маълумот учун, Misfits Boxing промоутерлик компанияси блогерлар ва машҳурлар иштирокидаги жангларни ташкил этишга ихтисослашган. Тони Фергюсон шу йилнинг август ойида ушбу промоушенда дебют қилган. Унинг ҳисобида икки ғалаба бор.
Ҳавола :
Фикрлар