02 апр 10:54
Янгиликлар

Бокс/ММА

Тони Фергюсон: UFC вакиллари, мухлислар ва Нурмагомедовдан кечирим сўрайман

Аралаш қоидалар бўйича енгил вазнда UFC чемпиони Тони Фергюсон Инстаграм саҳифаси орқали мухлислар, жанг ташкилотчилари ва рақиби Хабиб Нурмагомедовдан узр сўради.

Хабар берганимиздек, Фергюссон жароҳат олган ва бунинг натижасида унинг россиялик Хабиб Нурмагомедовга қарши 7 апрель кунги жангда иштирок этмаслиги маълум бўлганди.

“Ҳозирги ҳолатимни сўз билан тасвирлаб бера олмайман. Ўзимдан ўтаётганини жуда яхши билиб турибман. Журналистлар билан учрашувдан кейин тизза бўғимларимни шикастлаб олдим. Шахсий шифокорим ва UFC шифокори бир овоздан жанг ўтказа олмаслигимни айтишди.

Начора, бундай бўлишини сира кутмагандим. Бўлиб ўтган ҳолат учун жанг ташкилотчилари, мухлислар, оила аъзоларим, дўстларим ва рақибим Хабибдан кечирим сўрайман”, - деди Фергюссон.