17 мар 08:46
Янгиликлар
Бокс/ММА
Top Rank мухлислар билан ўтадиган биринчи бокс оқшомини анонс қилди
Top Rank промоутерлик компанияси бевосита мухлислар билан ўтказиладиган профессионал бокс кечасини эълон қилди.
Ушбу бокс кечаси 24 апрель куни Флоридада ўтказилади. Унга арена сиғими бўйича чекланмаган миқдорда мухлислар киритилади. АҚШда мухлислар киритилган сўнгги бокс оқшоми ўтган йилнинг июлида ўтказилган эди.
Оқшомнинг марказий жанги ярим енгил вазнда WBO чемпиони Эммануэль Наваррете ҳамда WBO рейтингида 6-ўринни эгаллаб турган пуэрторикалик Кристофер Диас ўртасида бўлиб ўтади.
Яна бир қизиқарли жанг пуэрторикалик 23 ёшли Эдгар Берланга иштирокида ўтказилади. У қаторасига 16 та жангини биринчи раунднинг ўзида нокаут билан якунлагани билан машҳур. Эдгарнинг рақиби америкалик 28 ёшли Демонд Николсон бўлади.
Ҳавола :
Фикрлар