01 апр 18:09
Янгиликлар

Бокс/ММА

Топурия ижтимоий тармоқлардаги статусида Гэтжи устидан ғалабани олдиндан ўз ҳисобига ёзиб қўйди + ФОТО

Енгил вазн тоифасида UFC чемпиони Илия Топурия ижтимоий тармоқлардаги статусини янгилади.

Грузиялик жангчи «18-0» деб ёзди ва шу тариқа профессионал аралаш яккакурашлардаги рекордини белгилади.

Лекин амалда унинг ҳисобида 17 та ғалаба бор. Шу тариқа, Топурия 14 июнь куни АҚШдаги Оқ уйда бўлиб ўтадиган турнир доирасида жанг қиладиган америкалик Жастин Гэтжи устидан ғалабани олдиндан ўз ҳисобига ёзиб қўйди.

Қайд этиш жоиз, аввал ҳам Топурия бундай провокацион ҳаракатлари билан ажралиб турган. Масалан, бразилиялик Чарльз Оливейрага қарши UFC 317 турниридаги жангидан олдин грузиялик спортчи ҳали жанг бўлмасидан туриб, ўз ғалабаси шарафига зиёфат уюштирган эди.