Топурия Махачевга рад жавобини берди: "Навбатга тур"

Фақат битта шарти бор: грузиялик аралаш яккакураш устаси енгил вазндаги вакант бўлиб қолган UFC камарини қўлга киритади. Россиялик эса яримўрта вазнда ўз ниятига етиб, яна енгил вазнга қайтади ва навбатга туради. Унга тўғри-тўғри чемпионлик учун имконият тақдим этилмайди. 

"Биласизми, Ислам аввалбошдан ўз қарорлари билан ҳаммани қўштирноқ ичида хайрон қолдираётганди. У бир ҳафта аввал "Менинг яримўрта вазнга ўтишим ҳеч қандай аҳамиятга эга эмас, боиси енгил вазндаги чемпионлик камарини бўшатиб қўймайман" деганди. Мен эса ўшанда енгил вазнга кўтарилмайман, чунки яримўрта вазнда қиролман", деб айтгандим. Охир оқибат ким ўз сўзида турди? Менми ёки у? Ҳар доимгидек мен! Шундай экан, энди у навбатга туради ва фурсати келишини кутади. Лекин бу навбат узун бўлади", – деди Топурия Испаниядаги матбуот анжуманида.

Эслатиб ўтамиз, Ислам Махачевдан вакант қолган камар учун Илия Топурия бразилиялик Чарльз Оливейрага қарши октагонга чиқади. Ушбу жанг 28 июнь куни Лас-Вегасдаги UFC 317 турнири доирасида бўлиб ўтади. Ислам Махачев эса яримўрта вазннинг янги чемпиони, австралиялик Жек Делла Маддаленага қарши жанг ўтказиши керак. Ҳозирча бу жанг расман тасдиқланмаган.