Топурия йил якунларини сарҳисоб қилди: "Ҳеч нарсадан афсусланмасликни ўргандим"

2025 йил у нафақат иккинчи дивизион чемпионлигига, балки вазн тоифасидан қатъи назар ташкилотнинг энг яхши жангчилари рейтингида биринчи ўринга олиб чиқди, гарчи у йил якунида бу позицияни сақлаб қола олмаган бўлса-да.

"2025 йил катта ғалабалар ва кутилмаган бурилишларга бой саёҳат бўлди. Баъзида ҳаёт бизни ўзимиз тасаввур қилган сценарийдан узоқлаштиради, лекин айнан шундай бурилишларда энг қимматли сабоқлар ва ҳақиқий сюрпризлар пайдо бўлади.

Оилам билан ўтказган ҳар бир сониямни қадрлашни ва ҳеч нарсадан афсусланмасликни ўргандим, чунки энг яхшиси доимо олдинда. Гарчи бу йил кўп нарсага эришган бўлсам-да, энг яхши ютуқларим олдинда эканлигини биламан. Мен ҳар қачонгидан ҳам диққатлироқман. 2026 йилда янада улкан ишларни амалга оширишда давом этаман. Менинг ҳикоямдаги энг яхшисини ҳали ёзиш керак", - деб ёзди "El Matador" ижтимоий тармоқда.

Ўтган ойда Илия Топурия собиқ рафиқаси билан муносабатларини судда аниқлаш учун фаолиятини вақтинчалик тўхтатганди. 24 январь куни Пэдди Пимблетт ва Жастин Гэтжи ўртасида енгил вазн тоифасида вақтинчалик UFC чемпионлик камари учуну жанг бўлиб ўтади. Ғолиб Илиянинг камари учун расмий даъвогарга айланади.