Тўрт кун қолганда UFC 311 кардига бешинчи россиялик қўшилди

Қизиғи, турнирга 4 кун қолган бир пайтда UFC 311 кардига яна бир россиялик аралаш яккакураш устаси қўшилди. Владикавказлик Азамат Бекоев дунёнинг кучли Лигасида дебют қилади. У қисқа муддатда сафдан чиққан Седрик Дюманинг ўрнини эгаллади. Ўрта вазн тоифаси жангчиси ҳисобланган Бекоев америкалик Зак Ризга қарши октагонга кўтарилади.

Маълумот учун, Азамат Бекоев ўрта вазн тоифасида икки карра LFA чемпиони ҳисобланади. У 6 та ғалабали серия билан келмоқда. Сўнгги жангида Чаунси Фоксвортни иккинчи раундда нокаутга учратган эди. Бекоев ММАда 18 ғалаба ва 3 мағлубият қайд этган. Зак Риз эса UFC`даги дебют жангида нокаут билан ютқазган ва шундан сўнг кетма-кет икки ғалабага эришганди.