24 апр 10:52
Янгиликлар

Спорт курашлари

Тўрт курашчимиз Осиё чемпионатининг бронза медали учун гиламга чиқади

Мўғулистон пойтахти Улан-Батор шаҳрида спорт курашлари бўйича катталар ўртасидаги Осиё чемпионати давом этмоқда.

Бугун қитъа чемпионатининг сўнгги куни эркин кураш бўйича қолган 5 та вазн тоифасида ғолиб ва совриндорлар номи маълум бўлади. Афсуски, Осиё чемпионатини олтин медалсиз якунлайдиган бўлдик. Эркин кураш терма жамоамизнинг кумуш медални ҳам қўлга кирита олмаслиги ойдинлашди.

Саралаш баҳсларидан сўнг Рио Олимпиадаси совриндори Ихтиёр Наврўзов, Бобур Исломов, Ажинияз Сапарниязов ва Сардорбек Холматов кечки дастурда бронза медали учун курашиш имкониятини қўлга киритишди. Биргина Жаҳонгирмирзо Туробов медаль учун курашдан чиқди.

Бронза медали учун баҳс:

-74 кг: Ихтиёр Наврўзов - Исламбек Орозбеков (Қирғизистон)

-86 кг: Бобур Исломов - Саякбай Усупов (Қирғизистон)

-92 кг: Ажинияз Сапарниязов - Вики Вики (Ҳиндистон)

-125 кг: Сардорбек Холматов - Батмагнай Енхтувшин (Мўғулистон)