07 июл 10:02
Янгиликлар

Теннис

Тўртинчи ракетка Лондон “Мэйжори”да ютқазди

Голландиялик теннисчи Кики Бертенс Уимблдон турнирининг учинчи даврасида мағлубият аламини тотиб кўрди.

Дунёнинг тўртинчи ракеткаси бўлиб турган Бертенс WTA рейтингида 54-поғонадан жой олган чехиялик Барбора Стриковага 5/7, 1/6 ҳисобида имкониятни бой бериб қўйди.

Кутилмаган натижа билан якунланган баҳс 1 соату 36 дақиқа давом этган. Стрикова ўзаро иккинчи учрашувда ҳам номдор рақибасидан устун келди. Энди Барбора нимчорак финалда бельгиялик Элизе Мертенсга қарши кортга чиқади.