Тўртта матчболдан чиқиб кетган Руне Мюнхенда чемпион бўлди

Даниялик теннисчи 2 соату 49 дақиқа давом этган финал учрашувида ATP рейтингининг 29-поғонасида бораётган нидерландиялик Ботик ван де Зандшульпни қийинчилик билан мағлубиятга учратди - 6/4, 1/6, 7/6(5).

Қизиғи, Хольгер ҳал қилувчи учинчи сетда 4 та матч-болдан чиқиб кетишга муваффақ бўлди. Даниялик ўзаро учрашувлардаги ҳисобни 2:0 кўринишига келтирди. Баҳсни жароҳати билан ўтказган Руне 4 та эйс, 7 та қўшхато ва 5 та брейк қайд этди. 

Германиядаги муваффақиятли иштирок унга 250 рейтинг очкоси ҳамда 85,605 евро мукофот пули келтирди. Хольгер Мюнхенда ўтган йилги чемпионлик унвонини ҳам ҳимоя қилди. Бу Руненинг мавсумдаги биринчи, фаолиятидаги тўртинчи соврини бўлди.