25 май 16:51
Янгиликлар

Теннис

Тошкент Челленжер ғолиби Лион турнири финалига чиқди

Дунёнинг 28-ракеткаси бўлиб турган Феликс Оже Франциянинг Лион шаҳрида давом этаётган ATP турнирининг финалида ўйнайди.

Канадалик теннисчи ярим финал учрашувида рейтингнинг 18-поғонасидан жой олиб турган грузиялик Николоз Басилашвилига қарши кортга чиқди. Икки соату 16 дақиқа давом этган баҳсда Оже иродали ғалабага эришди - 2/6, 7/6(3), 6/4.

Ёдингизда бўлса, 18 ёшли Феликс ўтган йили пойтахтимизда ўтган "Тошкент Челленжер" турнирида бош соврин соҳибига айланган эди. Энди Оже Open Parc Auvergne-Rhône-Alpes Lyon турнирининг финалида франциялик Бенуа Пэрга қарши кортга чиқади.