Тошкент проф бокс оқшоми иштирокчилари тарозига чиқишди +ФОТО

Соат 17:00да бошланадиган оқшомнинг марказий жангида япониялик Севонрец Оказава ҳамюртимиз Абдурасул Исмоиловга қарши рингга кўтарилади. Ғолиб боксчи ташкилотчилар томонидан ўртага қўйилган ўзига хос камарга эга бўлади. 

Бугун эртанги бокс кечаси қатнашчилари анъанага кўра тарозидан ўтиш маросимида ҳозир бўлишди. 69 кг вазн тоифасида ўзаро тўқнаш келувчи марказий жанг қатнашчилари белгиланган вазн меъёрини бажаришди. 

Маълумот учун, Оказава ўтган йили Белград шаҳрида бўлиб ўтган ҳаваскорлар ўртасидаги жаҳон чемпионатида олтин медални қўлга киритганди. У эртага Тошкентда профессионал боксдаги дебютини нишонлайди.

Маълумот учун, Абдурасул Исмоилов профессионал боксда 11 та жангда иштирок этиб, 10 тасида ғалаба қозонган, 1 та жангда мағлуб бўлган.

Эртанги бокс кечаси жуфтликлари:

61 кг вазн тоифаси

Шукуржон Тошпўлатов - Фарруҳ Арслонов 

69 кг вазн тоифаси

Дилшод Исроилов Жамшид Каримов 

90 кг вазн тоифаси

Дониёрбек Умаров - Шоҳруз Алматов 

61 кг вазн тоифаси

Аббосбек Ашуралиев - Абдулазиз Нажимиддинов 

69 кг вазн тоифаси

Абдурасул Исмоилов - Севонрец Окадзава