Тошкент шаҳри халқаро марафонга тайёр!

Ўзбекистон Республикаси Жисмоний тарбия ва спорт вазирлиги, Миллий олимпия қўмитаси, Енгил атлетика федерацияси, Тошкент шаҳар ҳокимлиги ва Ўзбекистон ёшлар иттифоқи томонидан ташкиллаштирилаётган марафон олдидан матбуот анжумани ўтказилди.

 Жисмоний тарбия ва спорт вазирининг ўринбосари Шарифжон Мўминжонов ва бошқалар мамлакатимизда олимпия ўйинлари дастуридан жой олган спорт турларини аҳоли ўртасида янада оммалаштириш борасида бир қатор ишлар амалга оширилаётганини таъкидлади. Бунинг натижасида ёш спортчиларимиз камол топиб, нуфузли мусобақаларда юртимиз шарафини муносиб ҳимоя қиляпти.

 I халқаро Тошкент ярим марафонида дунёнинг 23 давлатидан келган 200 дан ортиқ профессионал атлетлар иштирок этади.

Шунингдек, мусобақада ҳаваскорлар 5 километр масофага, имконияти чекланганлар эса 1 километр масофага югуришлари режалаштирилмоқда.

Таъкидланганидек, I халқаро Тошкент ярим марафони доирасида турли халқ сайиллари ўтказилади. Хориждан келган спортчилар Ўзбекистоннинг урф-одат, анъаналари билан танишади, миллий таомларимизни татиб кўради.

Бирини ўриндан 8-ўрингача етиб борган спортчилар 12 миллион сўмдан 3 миллион сўмгача пул мукофоти, диплом ва медаллар билан тақдирланади.