Тошкентда ўтказилган "Динамо" — "Спартак" баҳси ғолиби овертаймда аниқланди. Ўйинга 10 мингга яқин мухлис келди

Унда Беларуснинг Минск шаҳри шарафини ҳимоя қилувчи "Динамо" жамоаси Москванинг "Спартак" клубига қарши музга чиқди.

Ўйиннинг асосий вақти 2:2 ҳисобидаги дуранг билан якунланди. Овертаймда эса омад москваликларга кулиб боқди. "Спартак" Адам Ружикча киритган шайба эвазига Тошкентда муҳим ғалабага эришди.

Минскликлар сафида Егор Бориков ва Роман Горбунов гол урди. "Спартак" шайбаларига эса Андрей Локтионов, Николай Голдобин ва Адам Ружикча муаллифлик қилишди.

Бугунги ўйин орқали "Спартак" очколари сонини 53 тага етказиб олган ҳолда Мунтазам чемпионат турнир жадвалидаги иккинчи ўрнини мустаҳкамлаб олди. Ўйин олдидан турнир жадвалида учични ўринни эгаллаб турган "Динамо" эса мағлубиятдан сўнг бешинчи ўринга тушиб кетди.

Қайд этиш жоиз, бугунги учрашувни томоша қилиш учун "Ҳумо арена" мажмуасига 9405 нафар мухлис ташриф буюрди.