Тошкентда "Ўзбек полвони" кураш мусобақаси

Ўзбекистон Республикаси Президентининг 2020 йил 4 ноябрдаги “Кураш миллий спорт турини ривожлантириш ва унинг халқаро нуфузини янада ошириш чора-тадбирлари тўғрисида”ги 4881-сонли қарори “Йўл харитаси” нинг 6-бандига мувофиқ  ўтказилаётган бу мусобақадан мақсад давлат органлари, муассасалари ва ташкилотлари ходимлари ўртасида курашни янада оммалаштириш бу орқали ходимларининг жисмоний ривожланишини такомиллаштириш, жисмоний тарбия ва оммавий спортга, миллий спортимиз курашга бўлган қизиқишларини ошириш,  курашни умумхалқ спорти сифатида кенг тарғиб этишдир.

 “Ўзбек полвони” мусобақаси гиламида эркаклар 73 кг, 81 кг, 90 кг, 100 кг  +100 кг  вазн тоифасида, аёллар 3 та 57 кг, 63 кг, 78 кг вазн тоифаларида кураш олиб бордилар.  

Мусобақанинг номланишида ҳам рамзий маъно бордек. “Полвонлари кўп юрт қудратли бўлур” деганларидек бу мусобақа жамиятимизнинг турли жабҳаларида фаолият олиб бораётган  кишиларни ўзида бирлаштирди. Бу орқали Ўзбекистон полвонлар юрти эканлиги, полвонлик касб, соҳа, ёш танламаслиги  яна бир бор исботини топмоқда.

Мусобақада республикамизни барча вилоятларидаги 25 дан ортиқ вазирлик ва ташкилотларидан 100 яқин полвонлар гиламга чиқди.

Ғолиб ва совриндорлар ташкилотчилар томонидан сертификат, медаль ва эсдалик совғалари билан тақдирланди.

Тадбирдан суратларни томоша қилинг. ФОТО: Алимурод Мамадаминов