Тошкентда уч мамлакат дзюдочилари иштирокида халқаро ўқув-машғулот йиғини ўтказиляпти + ФОТОРЕПОРТАЖ

Ушбу йиғинда қўшни Қозоғистон ва Тожикистондан келган дзюдочилар ҳам шуғулланишяпти. Халқаро ўқув-машғулот йиғинининг навбатдаги куни Ўзбекистон дзюдо федерацияси раиси Азизжон Камилов дзюдочиларнинг мағшулотларини бевосита залда кузатди. 

Федерация раҳбари бугунги кунда Қозоғистон терма жамоасида мураббийлик қилаётган ҳамюртимиз, тажрибали устоз, Ўзбекистон Республикасида хизмат кўрсатган мураббий Андрей Штурбабин билан суҳбатлашди, фикр алмашди. Ўз вақтида терма жамоамизда бош мураббий сифатида фаолият юритган Штурбабин Ришод Собировнинг шахсий мураббийи сифатида ҳам танилган.      

Азизжон Камилов машғулот якунлаганидан сўнг терма жамоамиз аъзолари билан ҳам суҳбатлашиб, уларнинг олдинда турган Париж, Боку ва Тошкент "Катта Дубулға" турнирларига тайёргарлиги билан яқиндан танишди.