11 окт 08:32
Янгиликлар

Бокс/ММА

Уайлдернинг Опетаяга қарши жанги Жошуа — Фьюри кардида ўтказилиши мумкин

Оғир вазн тоифасида WBC собиқ чемпиони Деонтей Уайлдер навбатдаги жангини мағлубиятсиз австралиялик Жей Опетаяга қарши ўтказиши мумкин.

Бу ҳақда The Ring инсайдери Майк Коппинжер X'даги саҳифасида маълум қилди.

Маълумотга кўра, жанг 11 декабрь куни Уэльснинг Кардифф шаҳрида ўтказиладиган йирик бокс оқшоми доирасида ташкил этилиши мумкин. Уайлдер ва Опетая ўртасидаги баҳсни супероғир вазнда ўтказиш режалаштирилаётгани айтилмоқда.

Ҳозирча жанг расман эълон қилинмаган. Мазкур бокс оқшомининг асосий жанги икки британиялик — Тайсон Фьюри ва Энтони Жошуа ўртасида бўлиб ўтади.