Уайт Томпсонга жавоб қайтарди: "Жанг қилмайман деб туриб, 250 минг сўраб бўлмайди"

"Сен ярим кило вазн қўшган йигитча билан жанг қилишни истамадинг, агарда жангга розилик берганингда, гонорарингни олган бўлардинг.

Парда ортида жуда кўп гаплар бўлди, унга бошқа бир жанг таклиф қилдик. Йўқ, шу сабабли шунчаки келиб: "Менга чорак миллион доллар пулимни беринг", дейиш жуда нотўғри.

Унақаси кетмайди, ҳали ҳеч ким бундай қилмаган. Шу боис у учун яна бир жанг уюштирмоқчи бўлдик.

Агарда бу сенга маъқул келмаётган бўлса, сенинг қилғилиғинг бизга қанчага тушаётганини тушунтириб беришим мумкин. Сенга ҳаражатларингни қоплаб бера оламиз, вазиятдан чиқиб кетиш учун кўплаб ечимлар бор.

Олдимизга келиб, ярим кило ортиқча вазни бор йигитча билан  жанг қилишни истамаслигингни айтиб, орадан икки ҳафта ўтиб, яна бир жангга рози бўлмай туриб, кейинги жанг учун олдиндан тўлов сўраяпсан.

Ундай бўлмайди. Жанг қилмасанг, пул ҳам берилмайди, буларнинг барчаси шартномада ёзилган. Биз барча ҳақида қайғурамиз, аммо бу саволни Вандербой билан муҳокама қиламиз.

Барчаси парда ортида ҳал бўлади ва ишлар шанба куни ечим топади", - деди Уайт.