УЕФА Инфантинога қарши жиноий иш қўзғатишга тайёрланмоқда

Бу ҳақда “Sky News” хабар бермоқда.

Юридик ҳужжатларга кўра, УЕФА ва бошқа манфаатдор томонлар Швейцарияда Инфантинога, шунингдек, ФИФАнинг бошқа расмийлари ва маслаҳатчиларига қарши жиноий аризалар топшириш имкониятини кўриб чиқмоқда. Гап, хусусан, Швейцария Жиноят кодексининг 158-моддаси бўйича эҳтимолий “жиноий нотўғри бошқарув” ҳақида бормоқда.

Ҳужжатларда таъкидланишича, келишув тузилмаси, уни баҳолаш, молиялаштириш ва илгари суриш жараёнлари яширинча амалга оширилган ҳамда ФИФА обрўсига, унинг бошқарув тизимига, тижорий алоқаларига ва бошқа миллий ассоциациялар манфаатларига тўғридан-тўғри зарар етказган бўлиши мумкин.

Бундан ташқари, УЕФА ушбу схемага алоқадор ҳужжатларни тақдим этиш талаби билан Нью-Йорк Жанубий округи туман судига мурожаат қилди. Сўровлар JPMorgan, Thrive Capital инвестиция компанияси ва унинг раҳбари Жошуа Кушнерга тегишлидир.