UFC 321 тарози натижалари: икки спортчи вазн қила олмади, битта жанг бекор қилинди + ФОТОГАЛЕРЕЯ

Рақамланган UFC турнири иштирокчилари анъанага кўра расмий тарозидан ўтиш, сўнгги face to face ва матбуот анжуманида ҳозир бўлишди. Оқшомнинг асосий жанги оғир вазн тоифасида ўтказилади ва унда дивизион чемпиони британиялик Том Аспиналл рейтингда биринчи ўринни эгаллаб турган франциялик даъвогар Сирил Ганга қарши октагонга чиқади. Тарозида чемпион рақибидан деярли 3,5 килограммга оғирроқ тош босди - 115.67 кг. Ган эса 112.27 кг вазн кўрсатди. 

Муҳимли жиҳатидан иккинчи жанг ҳам чемпионлик камари учун кечади. Унда энг енгил вазн тоифасида вакант қолган чемпионлик камарига бразилиялик Вирна Яндироба америкалик Маккензи Дернга қарши октагонга чиқади. Уларнинг ҳар икки ҳам тарозида бир хил вазн кўрсатишди - 52.16 кг

Россиялик жангчилар Умар Нурмагомедов, Александр Волков, Азамат Мурзаканов ва Икрам Алискеров белгиланган вазн меъёрини бажаришди. Енгил вазн тоифасидан ўрин олган бразилиялик Матеус Камило ва америкалик Абдул-Карим Ал-Сельвади ўртасидаги жанг бекор қилинди. Бунга Абдул-Карим билан боғлиқ ҳолат сабаб бўлгани, лекин айнан нима экани айтилмаяпти. 

Икки жангчи белгиланган вазн меъёрини бажара олмади. Хосе Дельгадо 450 грамм, қозоғистонлик Аваз Максум 1 кг 350 грамм ортиқча вазнга эга маълум бўлди. Энди Дельгадо гонораридан 20, Максум эса 30 фоизини рақибига беради.  

UFC 321 тарози натижалари (Асосий кард жанглари):

Том Аспиналл (115.67 кг) – Сирил Ган (112.27 кг)

Вирна Яндироба (52.16 кг) – Маккензи Дерн (52.16 кг)

Марио Баутиста (61.46 кг) – Умар Нурмагомедов (61.69 кг)

Жаилтон Алмейда (107.5 кг) – Александр Волков (118.61 кг)

Азамат Мурзаканов (93.21 кг) – Александр Ракич (92.99 кг)

Прелим кард жанглари

Насрат Хакпараст (70.76 кг) – Куиллан Салкилд (70.53 кг)

Икрам Алискеров (84.14 кг) – Юн Йон Пак (84.14 кг)

Людовит Клайн (70.76 кг) – Матеуш Ребецки (70.53 кг)

Луи Сазерленд (119.93 кг) – Вальтер Уокер (110.68 кг)

Хосе Дельгадо (66.68 кг)* – Натаниль Вуд (66.22 кг)

Хамди Абделвахаб (120.20 кг) – Крис Барнетт (118.39 кг)

Азат Максум (58.51 кг)** – Митч Рапозо (56.93 кг)

Жаклин Аморим (52.62 кг) – Мизуки Иноуэ (52.16 кг)