15 июл 11:37
Янгиликлар

Бокс/ММА

UFC Анкалаев — Гусков жанги учун расмий постерни тақдим этди (ФОТО)

25 июль куни БААнинг Абу-Даби шаҳри навбатдаги UFC Fight Night турнирини ўзида қабул қилади.

Оқшомнинг асосий жанги ярим оғир вазн тоифасида россиялик собиқ чемпион, ҳозирда рейтингда биринчи ўринни эгаллаб турган Магомед Анкалаев ҳамда Ўзбекистон вакили, ярим оғир вазн рейтингида ўнинчи поғонада қайд этилган Богдан Гусков ўртасида кечади.

Бундан ташқари, турнир co main event жангида яна бир ҳамюртимиз — Рамазон Темиров австралиялик титул учун собиқ даъвогар Стив Эрцег билан тўқнаш келади.

UFC матбуот хизмати турнир учун расмий постерни намойиш этди. Бу промоушен тарихида ўзбекистонлик жангчи иштирокидаги илк Main event ҳисобланади.