15 мар 14:44
Янгиликлар

Бокс/ММА

UFC Fight Night 170 оқшомининг барча натижалари

Бугун Бразилияда аралаш қоидалар бўйича UFC Fight Night 170 турнири ўтказилганди.

Хабар берганимиздек, кечанинг марказий жангида енгил вазн тоифаси вакили Кевин Ли рейтингда ўзидан беш поғона пастда бораётган бразилиялик рақиби Чарльз Оливейрага учинчи раундда имкониятни бой бериб қўйганди.

Турнирнинг қолган натижаларига тўхталадиган бўлсак, Гилберт Бернс (18-3) биринчи раундда Демиан Майя (28-10) устидан техник нокаут эвазига ғалаба қозонди. Ренато Мойкано (14-3-1) биринчи раундда бўғиш усули билан Дамир Хажович (13-6)ни енгди. Россиялик Никита Крилов (26-7) ҳакамлар қарорига кўра Жонни Уокер (17-5)дан устун келди. Франсиско Тринальдо (25-7) ва Жон Макдесси (17-7) жангида ҳакамлар бир овоздан Франсисконинг ғалабасини таъминлашди.