20 фев 07:35
Янгиликлар

Бокс/ММА

UFC Fight Night 201. Марказий жанг муддатидан аввал якунланди

Бироз аввал АҚШнинг Невада штати Лас-Вегас шаҳрида навбатдаги UFC турнири якунига етди.

"ЮЭфСи Апекс" аренада ўтган UFC Fight Night 201 турнирининг марказий жанги яримоғир вазн тоифасида ташкил этилиб, унда бразилиялик 29 ёшли Жонни Уокер америкалик 30 яшар Жамаал Хиллга қарши октагонга кўтарилди.

Жанг муддатидан аввал якунланди. Биринчи раунднинг иккинчи дақиқаси 55 сонияси ўтиб бораётган бир паллада рефери жангни тўхтатди. Хилл оёқда берган кучли ва аниқ зарбаси эвазига рақибини нокаутга учратди.

Шу тариқа, Жамаал Хилл UFC лигасидаги бешинчи ғалабасини тантана қилди. Ҳисобида битта мағлубият ва битта бекор қилинган жанг бор. Жамаалнинг ММАдаги рекорди – 9-1-1. Уокер эса бугун UFC`даги тўртинчи мағлубиятини қабул қилиб олди. У охирги 5 та жангидан 4 тасида мағлубиятга учраган.