UFC Fight Night 239. Марказий жанг биринчи раунддаёқ якунланди

UFC Fight Night 239 оқшомининг марказий жанги оғир вазн тоифасида ўтказилиб, унда польшалик Марчин Тибура австралиялик Тай Туивасага қарши октагонга кўтарилди. Тибура Маҳмуд Мурадовнинг жамоадоши ҳисобланади. Жанг биринчи раунддаёқ якунига етди. Марчин рақибини бўғиш усули билан мағлубиятга учратди. 

Шу тариқа, Тибура фаолиятидаги 25-ғалабасини қўлга киритди. Ҳисобидаги мағлубиятлари сони 8 талигича қолди. Польшалик аралаш яккакураш устаси бундан аввалги жангида Том Аспиналлга техник нокаут эвазига ютқазиб қўйганди.

Ўз ўрнида Туиваса бугун фаолиятидаги саккизинчи мағлубиятини қабул қилиб олди. Унинг ҳисобида 14 та ғалаба бор. Бу австралиялик жангчи учун кетма-кет тўртинчи мағлубият бўлди. Бундан аввалги икки жангида у россияликлар Александр Волков ва Сергей Павловичга ютқазиб қўйганди.