UFC Fight Night 239. Туиваса ва Тибура, Мурадовнинг икки рақиби ҳамда бошқа жангчилар тарозига чиқишди + ФОТОРЕПОРТАЖ

UFC Fight Night 239 оқшомининг марказий жанги оғир вазн тоифасида Тай Туиваса ҳамда Марчин Тибура ўртасида кечади. Турнирнинг асосий кардини бошлаб берадиган жанг эътиборимизни тортган. Унда Маҳмуд Мурадовнинг собиқ рақиблари Жеральд Миршерт ва Брайан Барберена ўзаро жангда муносабатларига ойдинлик киритиб олишади. 

Маълумот учун, Мурадов UFC Vegas 35 турнирида Жеральдга қарши октагонга чиқиб, мағлубиятга учраганди. Ўшанда Миршерт ҳамюртимизни иккинчи раундда бўғиб қўйганди. Ваҳоланки, Мурадов биринчи раундни 10-9 ҳисобида ўз фойдасига ҳал қилган эди. Бу Маҳмуд учун UFC'даги илк мағлубият бўлганди.

Ўтган йилнинг 22 июль куни эса Маҳмуд Мурадов Буюк Британиянинг Лондон шаҳрида ўтказилган UFC Fight Night 224 турнирида америкалик Брайан Барберенани очколар ҳисобига кўра таслим этганди.

Тунда UFC Fight Night 239 турнири жангчилари тарозидан ўтиш ҳамда face to face маросимларида ҳозир бўлишди. Австралия шарафини ҳимоя қилаётган Тай Туиваса тарозида 120,42 кг тош босди. Унинг польшалик рақиби Марчин Тибура эса 8 кг енгилроқ чиқди - 112,03 кг. 

Эътиборлиси, уч нафар жангчи белгиланган вазн меъёрини бажара олмаган ва энди улар ўз гонорарларининг 20 фоизини рақибларига беришади. Натан Леви, Челси Чендлер ва Дэнни Силва вазн қила олмагани учун жаримага тортилади. 

UFC Fight Night 239 тарози натижалари. Асосий кард:

Тай Туиваса (120,42 кг) vs Марчин Тыбура (112,03 кг);

Брайан Баттл (77,11 кг) vs Анже Луса (77,56 кг);

Овинс Сен-Прё (93,44 кг) vs Кеннеди Нзечукву (92,98 кг);

Кристиан Родригес (65,77 кг) vs Исаак Дулгарян (65,99 кг);

Пэнни Кианзад (61,68 кг) vs Мэйси Чиассон (61,46 кг);

Жеральд Миршерт (84,14 кг) vs Брайан Барберена (84,36 кг).

Прелим кард:

Натан Леви (70,98 кг)* vs Майк Дэвис (70,3 кг);

Жозиан Нунес (61,23 кг) vs Челси Чендлер (62,14 кг);

Жафел Фильо (56,92 кг) vs Оде Осборн (56,92 кг);

Жошуа Кулибао (66,22 кг) vs Дэнни Силва (67,35 кг)***;

Жаклин Аморим (52,61 кг) vs Кори Маккенна (52,38 кг);

Тиаго Мойзес (70,53 кг) vs Митч Рамирез (70,53 кг);

Харалампос Григориу (61,68 кг) vs Чад Анхелигер (61,23 кг).