02 ноя 10:36
Янгиликлар

Бокс/ММА

UFC Fight Night 263 турнирининг бонус соҳиблари маълум

Бугун тонгда Лас-Вегас шаҳрида ўтган UFC турнирида кафолатланган гонорардан ташқари қўшимча мукофот пули соҳиблари эълон қилинди.

Бу оқшомда "энг яхши жанг" аниқланмади. Ҳеч бир жанг ташкилотчиларни эътироф этиш учун ишонтира олмади. Бошқалардан ажралиб турган тўрт нафар жангчи эса ёрқин иштирок учун бонусга лойиқ кўрилди. Стив Гарсия, Кортес-Акоста, Жонсон ва Насименто 50 000 доллар миқдоридаги мукофот пулини қўлга киритди.

Турнирнинг асосий жангида ярим енгил вазн тоифаси вакили америкалик Стив Гарсия ватандоши Дэвид Онамани биринчи раундда техник нокаутга учратди. Оғир вазн тоифаси вакили Вальдо Кортес-Акоста турнирнинг co-main event жангида хорватиялик рақиби Анте Делия кўзига қўлини суқиб олган бўлса-да, биринчи раунднинг ўзида нокаут эвазига камбэкли ғалабани расмийлаштирди.

Донте Жонсон Седрик Дюмани иккинчи раундда сабмишн эвазига енгди. Аллан Насименто Коди Дёрденни иккинчи раундда сабмишн, анаконда бўғиш усулида мағлубиятга учратди.