05 апр 09:38
Янгиликлар

Бокс/ММА

UFC Fight Night 272 турнирининг бонус соҳиблари маълум

Тўрт жангчи 100 000, яна тўрт нафари 25 000 АҚШ доллари миқдоридаги мукофот пулига эга чиқди.

Бразилиялик Алис Перейра иккинчи раундда Хейли Коуэнни тизза зарбаси билан нокаутга учратиб, нафақат UFC`даги биринчи ғалабасини қайд этди, балки "Оқшом чиқиши" учун 100 000 долларлик чекни ҳам қўлга киритди.

UFC Fight Night 272 турнири кардида бразилиялик Алессандро Коста ҳам 100 минг долларлик бонусга лойиқ кўрилди. У иккинчи раундда австралиялик Стюарт Николни тана қисмига берган зарбаси эвазига таслим этди.

Томми МакМиллен ва Маноло Зеккини ўртасидаги тўқнашув бугунги турнирнинг энг яхши жанги деб топилди. Ҳар икки жангчи 100 000 доллардан мукофот пули оладиган бўлди.

Шунингдек, эрта нокаутли ғалаба муаллифлари Ренато Мойкано, Абдул-Раҳмон Яҳёев, Этин Юинг ва Трешон Горг 25 минг долларлик чекка эга чиқишди.