"UFC Махачев-Чимаев жангининг ўтказилишига йўл қўймайди" - Исламнинг жамоадоши

Махачевнинг жамоадоши Жош Томсоннинг айтишича, бу жанг ўтказилмайди. Унинг амалга ошишига Дана Уайт бошчилигидаги UFC боссларининг ўзи йўл қўймайди. 

"Келинглар, очиқ гаплашамиз – UFC Чимаевга яримўрта вазнга тушишига рухсат бермайди. Улар ҳеч қачон Ислам ва Хамзатнинг ўзаро жангининг ўтказилишига йўл қўйишмайди. Уларнинг жавоблари тахминан шундай бўлади: "Агар олдинга силжишни истасанг – юқори томонга ҳаракатлан. Аввал яримоғир, кейин эса оғир вазн тоифасига ўтиб, чемпионлик камарлари учун имкониятингни синаб кўр. Сенда оғир вазнлиларни мағлуб этадиган қуролинг - курашинг бор. Фақат бунинг учун тўғри вазн олишга эътибор қаратишинг лозим. Бошланишига яримоғир вазнга кўтарил. Сен аниқ бу вазн чемпиони бўла оласан". Улар яримўрта вазн вариантни кўриб чиқишади деб ўйламайман. Бу аллақачон босиб ўтилган босқич. 

Чимаевнинг жангидан хулоса: вазн ташлаш керак бўлмаганда, унинг кардиоси яхши ишлайди. Ва яна бир жиҳат бор: у ўрта вазн тоифасида камарни қўлга киритгач, яримўрта вазн тоифасига ўтиб, у ерда ютқазса, бу ўрта вазн тоифасидаги унвоннинг қийматини пасайтиради. Яримўрта дивизион жангчисига ютқазиш ёмонроқ кўринади ва қабул қилинади", - деди америкалик Жош Томпсон Жон Маккарти билан қўшма подкастнинг навбатдаги сонида.