"UFC мени ҳурмат қилмаяпти" - Хукер

Бу вазият туфайли у сентябрда Пертдаги UFC турнирида иштирок этиш режасидан воз кечган.

Хукернинг айтишича, у жамоадоши Кай Кара-Франсни қўллаб-қувватлаш учун UFC 317 турнирига борган, бироқ охирги пайтда ташкилот томонидан унинг чипталари бекор қилинган.

"Мени қандайдир тадбирга жалб қилишди ва эрталаб соат 7:30 да уйғотишди. Бу вақтда Янги Зеландияда тунги соат 3 эди. Эрта ётганман, лекин соат 3 да уйғонишга рози эмасман. Уйғонолмадим ва UFC тадбирига бормадим. Шу пайт улар менинг Кайнинг жанги учун берилган чипталаримни бекор қилишди.

Энди шундай чиқяптики, мен жароҳат билан жанг қилишим керак, фақатгина мен учун чипта бермай қўйган ташкилот учунми? Жанг қилардим, лекин кимдир офисида ўтириб менинг номимни рўйхатдан ўчириб ташлади.

Сен офисида ишлайсан, оғайни. Мен эса октагонда. Шоу учун ўз жонини хавфга қўядиган спортчиларга ўзгача ҳурмат бўлиши керак. Мен қанча қон, тер ва кўз ёши тўкдим, лекин ҳурматга лойиқ эмас эканман. Майли, бизнес бўлса, бизнес. Демак, энди жангни ўз шартларимда олиб бораман. Мени ҳурмат қилмайдиган компания учун белимни синдириб ўтирмайман", – деди Хукер Submission Radio'га берган интервьюсида.