14 янв 10:41
Янгиликлар

Бокс/ММА

UFC президенти Камару Усманнинг рақибини эълон қилди. У Ҳамзат эмас!

UFC президенти Дана Уайт яримўрта вазн чемпиони Камару Усманнинг навбатдаги рақиби ким бўлишини очиқлади.

"Леон Эдвардс! Ҳа, айнан у 100 фоиз аниқлик билан Камару Усманнинг навбатдаги рақиби бўлади", — деди Уайт BJ Penn порталига берган интервьюсида.

Аввалроқ, Дана Камару чемпионлик камарини Ҳамзат Чимаевдан ҳимоя қилиши мумкинлигини ҳам яширмаётганди. Кечаги интервьюсида у ушбу саволга нуқта қўйди. Камару Усман UFC 268 турнирида Колби Ковингтонни мағлубиятга учратганди.

Эслатиб ўтамиз, бу асли келиб чиқиши ямайкалик бўлган Леон Эдвардс учун реванш мақомидаги жангга айланади. Усман 2015 йилда Эдвардсни очколар ҳисобига кўра мағлубиятга учратганди. Ўшандан бери британиялик жангчи октагонда ютқазмаяпти.